أكيد صعب تختار بين العلمي و الأدبي ... والشي اللي بيسبب هالصعوبة هو كلام الناس ( العلمي مجالاته اوسع , الأدبي أسهل , اقل الشي بدك سنتين بالبكالوريا علمي ,
الأدبي بتاخدها على مهلك ) وكتييييييييير كلام متل هيك ......
طيب ماشي بالآخر بعد كل هالشي اخترت العلمي ...
بيصير الناس بعد ما يسألوك عن اختيارك علمي و لااااا أدبي
ويعرفوا انك علمي بيقولوا : كويس العلمي مجالاته واسعة ... يعني انتا شاطر بالعلمي ؟؟ يعني بتحب الرياضيات و الفيزياء ووو.....
هي من الناحية الايجابية ...
اما من الناحية السلبية .... هو كلام طلاب الأدبي المحبط دائماً مثلاً بيقولوا : هه اختار العلمي !! مفكر حاله قدها !!! .
أو بيقولوا : شو إلك بالعلمي لا توجع راسك انتقل على الأدبي اسهل بتقضيها تسلاية ..... على كل حال مرجوعك لعنا على الأدبي ...!! هه قال علمي قال .. هه !
كل هالشي اذا اخترت العلمي ! ..
طيب شو اذا اخترت الأدبي ...
لما بيسألك شخص عن اختيارك علمي ولا أدبي بطريقة فيها ازدراء للأدبي ( علمي ولاااااااااا ..!!؟؟ أدبي ) وبتقول أدبي .... !
يالطيف .. بيرخي حنكه لمدة ثانيتين ( من هول المفاجأة ) وبعدها بيقول باستغراب شديد : يعني انتا ما بتحب العلمي ؟ .... يالله الأدبي كمان كويس ..... طيب ما فكرت بالعلمي ؟؟ ... ها انتا أكيد بدك مجال أدبي
بالجامعة ... يالله مو مشكلة ...
هالكلام بالنسبة للشخص الايجابي نوعاً ما
فشو رأيك لو كان شخص سلبي
رسالتي للكل : اذا كنت طالب علمي خليك فخور بإنك علمي وما تسمع كلام الناس
واذا كنت طالب ادبي كمان كون فخور انك ادبي وما تسمع كلام الناس
وياريت كل واحد اذا كان علمي ولا ادبي يحتفظ بحكمه و نصائحه لنفسه
ومتل مابقول انا ماعم احكي عن كل الناس انا عم احكي عن فئات معينة من المجتمع و أكيد كتيرين مروا بتجربة معهم
بتمنى كلامي ما يزعج أحد
وشكراً [/font]
__________________
