انا جربت يونيون اير 2,25 حصان شباك وصوته عالى جدا جدا واتصلت بالشركة اكثر من 3 مرات واخر مرة سحبوه المصنع وقالو ده عيب صناعة وسيتم تركيب قطعة تمنع الصوت وزى
ما راح زى ما جه ولم يتم حل المشكلة ،
اما كارير فانا جربته مرتين مرة وانا فى السعودية وكان ممتاز وكنت سايبه شغال على طول ليل مع نهار
لان كانت زوجتى معابة وفى الاول لم اشترى سوى تكييف واحد لان كان لازم اجهز باقى البيت اول ما سافرت ، وبدون مبالغة كنت بوقفه يريح كل يوم جمعة الصبح واخد زوجتى ونطلع على الخلبيج لانى كنت فى المطقة
الشرقية ، وبعد ما ارجع المغرب اشغله ليوم الجمعة اللى بعدها - حتى لو نزلنا من البيت نشترى حاجة ساعة او 2 كنت بسيبه شغال
وعلشان كده انا لما نزلت مصر جبت كارير لانى جربته والتجربة طبعا احسن دليل
اما فى الشغل فالشركة عندى جايبة شارب وهو ايضا تكييف جيد ، لكن المشكلة فى الصيانة اول زيارة لو انت محظوظ بعد اسبوع وممكن يتصل بالتليفون بعد اسبوع لتأكيد البلاغ والزيارة ولو صادف ما رديت على التليفون
ما يتصلش بيك مرة اخرى ، يروح لاغى البلاغ وترجع تتصل من جديد
ده لان التوكيل مش مدى الصيانة للموزعين هو مديهم مبيعات فقط - فطبعا حيلاحقوا على مين ولا مين ! يعنى لو عطل منك الجهاز فى موجة حر - انتظر على الاقل اسبوع لحد ما التوكيل يجيلك
اما بالنسبة لكارير فقطع غياره متوفرة خارج التوكيل - يعنى لو اتصلت بالتوكيل واتأخر ممكن تتصل باى شركة او ورشة وحيصلحه على طول
بالنسبة لتكييف فريش انا لم اجربه ولكن سمعت ان هذا التكييف هو منتج صينى من الانواع الجيدة جدا ، وبعدين معظم المكونات الان هى مكونات صينى
