انا مارح اقولكم قال فلان و علتان
تجربتي الشخصية مع الحروق الجلديه
اول شي كيف انحرقت :
انا احد ضحيا الاندومي ..... نعم الاندومي حسبي الله عليه هو حرقني... تسلوني كيف ؟؟ اقولكم كيف.
كنت في البيت لوحدي كنت ايمها عزوبي ما بعد تزوجت و اهلي اقصد امي و ابوي و اخواني راحو يصيفون و انا قعت في البيت وحدي من شان العمل
طبعاً مالي علاقة بالمطبخ حق بيتنا
واكلي كله من مطاعم و طفشت من اكل المطاعم ... الله لا يعيدها من ايام
المهم
قررت اني اطبخ في البيت وحدي
وش طبخ ... طبعاً اندومي اسهل و اسرع و حلا طبخة اعرفها ... هذيك الايام مافي قناة فتا فيت .
اسهل طريقة لتسخين الماء .. الماكرويف .
كان عندنا في البيت (( ابريق / غوري / براد (شي يوضع فيه الماء لتسخينه على النار ))) مصنوع من قزاز شفاف
وكنت احطه في الميكرويف مدة دقيقة و نص و في يوم من الايام حطيته دقيقتين او ثلاث مو فاكر مضبوط
كنت لابس شورت توني جاي من الدوام و مريح
اول منتها الميكرويف من تسخين الماء طلعته على طول واول ما طلع من الميكرويف على طول (( انفجر )) الابريق حق الماء وانا شايله في يدي و جت المويه الحاره كله على فخذي اليمين .
ملاحظة : ملاحظة :ملاحظة : ملاحظة :ملاحظة : ملاحظة :ملاحظة : ملاحظة :ملاحظة : ملاحظة :ملاحظة : ملاحظة :ملاحظة : ملاحظة :ملاحظة : ملاحظة :ملاحظة : ملاحظة :ملاحظة : ملاحظة :ملاحظة : ملاحظة :ملاحظة :
ملاحظة :ملاحظة : ملاحظة :
تسخين الماء في المكرويف خطير جداً و له طريقه مخصصه اكتشفتها بعدين .. وراح اتكلم عنها بختصار بعدين .
المهم
صرت ابكي من كثر الوجع ورفعت الشورت على شان اشوف مكان الحرق و لقيت الجلد متقطع على طول الفخذ سبحان الله الشعر ما جه شي
وصار مكان الحرق لونه بني داكن
انا الغبي كنت اسمع الناس يقولون معجون الاسنان للحروق وحده بوحده على طول يشيل الالم
وانا ادهن رجلي بالمعجون الاسنان زي الكيقه بالكريمه
و يزيد الالم و الحراره مكان الحرق على طول وجيت ابي اشيل المعجون و ماقدرت لن الماء كان حار وقت الظهر ومقدر امسحه بمنديل او شي
كان الوضع من جد يبكي
على فكره .......
الماء الحار و اماء البارد وقت الحرق مارح تقدر تفرق بينها لن كلهم يسببون الم شديد
وانا اشيل نفسي و على الصيدليه
وكان الدكتور في الصيدليه مصري
اول ما شافني و قلتله عن معجون الاسنان قلي (( ايه الي هببتوه ده ... قلت ولله ما هببت شي )) المهم
عطاني برهم اسمه Mebo سعره مرتفع اشوي بس سعره مو خساره
رهيييييييييييييييييييييييب للحروق و الجروح مافي احسن منه على طول يشيل الوجع و يضبط المسائل
بعدها بفتره كنت اسولف مع واحد من الشباب له علاقة بالطب وقالي لو حطيت ما فاتر على مكان الحرق و رشيت سكر بكميه متوسطه بحيث تغطي مكان الحرق و رجعت بللت السكر و خليته اسوي راح يروح الالم على طول و
لا يطلع اكياس مائيه مكان الحرق
وجربته مع حروق ثانيه لي و لاصحابي و نفعت و اجد
المكرويف .............
ما يصلح تسخن الماء لوحده فيه لنه رح نفجر حست تعليمات المكرويف الكتيب المرفق معه
راجعو الكتب الاشاديه حقت مكرويفاتكم وراح تلاقون التعليمات كاماه
تحياتي
لو تلاحظون اكثر الناس يقولون حط عسل حط بطيخ حط مدري عارف ايش وكل الاشياء اللي يقولون فيها نسبه كبيره من السكر
يعني السكر المبلل بالماه هو العلاج الصحيح والله العلم
تحياتي مره ثانيه بعد التعديل
