تقدر تنكر انجازات مبارك لمصر ؟؟ ع فكرة انا مش معاه ولا ضدة ..بس اذكروا محاسن موتاكم

Question

فخلال فترى حكمه تم بناء 23 مدينة جديدة ومدن صناعية عديدة وتم تشجيع الشبان على استثمار الاراضي المستصلحة وهي تبلغ مليون ونصف المليون فدان حتى الان فارتفع انتاج القمح من
4 ملايين الى 8 ملايين طن واصضبحت مصر تصجر المنتوجات الزراعية والصناعية العديدة مثل البطاطا والارز والبصل والفواكه والحلويات والمعدات والاجهزة  وارتفعت عائدات السياحة الى 9 مليار دولار سنويا وتم
حفر ابار عديدة للنفط والغاز الطبيعي بحيث تم توصيل الغاز معظم المنازل المصرية على امتداد الجمهورية . وفي ذات الوقت لم يتم اهمال الصناعات العسكرية وتزويد الجيش المصري بأحدث الاسلحة وافتكها بحيث اصبحت
تمتلك مصر 600 طائرة مقاتلة و500 طائرة نقل وتدريب وهليكوبتر
منقول من شخص هنا لا اعرفة ولكن اشكرة شكرا جزيلا

Answer 1

يا راااااااااااااااااااجل ..
تلاتين سنة من قانون الطوارئ وتقولي انجازات !
تلاتين سنة من احتكار السلطة وتقولي انجازات !
تلاتين سنة من انعدام الحياة السياسية وتقولي انجازات !
تلاتين سنة من الديكتاتورية وتقولي انجازات !
40 % من المصريين تحت خط الفقر وتقولي انجازات !
نسبة البطالة أكتر من 11 % وتقولي انجازات !
آخر طموح الشاب المصري أصبح انه يخلع بره البلد وتقولي انجازات !
مصادرة الحريات وحبس الصحفيين وتعذيب الحكومة للمواطنين وتقولي انجازات !
التطبيع مع الصهاينة وبناء جدار العار وحصار غزة وتصدير الغاز ببلاش تقريبا لإسرائيل وتقولي انجازات !
توشكي اللي اتباعت للصهاينة ورجال الأعمال الخليجيين وتقولي انجازات !
سعي مبارك لتوريث السلطة لجمال ابنه وتقولي انجازات !
الانجازات اللي بتتكلم عنها دي لو طفل عنده 5 سنين هيعرف انها كدب في كدب .. ومنقولة من نشرة الأخبار بتاعت القناة الأولي ..
انت واحد من اتنين :
1- يا اما باشا وعندك كام مليون في البنك وراضي بمبارك وعايش حياتك زي الفل ..
2- أو بتتفرج علي تلفزيون الحكومة كتير مما أثر عليك سلبيا .يفضل انك تغير المحطة وتشوف قناة ميلودي لأن ميلودي تتحدي قلة الأدب .

Answer 2

لا طبعا متقدرش تنكر

Answer 3

ممكن اسال سؤال عادي جدا
يا تري واحد فترة حكمه كلها سلم واموال موجوده ميقدرش يعمل ده؟؟؟؟؟
الغريب ان جمال عبد الناصر واحنا في حاله حرب بني  السد وبني البرج بتاع القاهرة وبني مدينه نصر طبعا مش كلها
والباشا الكبير قوي السادات بني العاشر من رمضان وماتبعها وعمل استصلاحات برضه وعمل سلام وعمل تطور في الحربية
وكل واحد من الاتنين قعد 10 سنين فقط
يبقي لما نقعد 29 سنه ويبقي الانجازات اللي عملها بالحج ده تبقي قليله جداااااااااااااااااااااااااااااا
ولما نبقي بنتسرق كل يوم ومصر لسه واقفه علي رجلها يبقي كان في احسن من كده بكتيييييييييييييييييييييييييييييييييييييييييير
هو كان كويس بس خلاص بقي حب الكرسي ده شئ ربنا ينجينا منه

Answer 4

تم بناء 23 مدينة جديدة  لا صحاب الملايين
تم تشجيع الشباب علي استثمار الاراضي الزراعية واستصلاحها  ثم طردهم من الارض و بيعها للمستثمرين
ارتفع انتاج القمح ن 4 الي 8 مليون طن .....اااه فعلا والدليل الخبر ده
_هذا وتشير البيانات الصادرة عن هيئة السلع التموينية إلى استيراد مصر نحو ٦٠% من احتياجاتها من القمح البالغة ٥.٥٣ مليون طن فى السنة المالية الماضية 2009 -2010 من روسيا، فيما احتلت فرنسا المرتبة الثانية
بنسبة ٢٧%، تلتها الولايات المتحدة بنسبة ٧%. كما فازت شركات روسية بالمزايدتين الأخيرتين فى العام المالى الحالي، لتوريد ١٨٠ ألف طن قمح تسليم أغسطس.
و تعد مصر أكبر مستوردى القمح على المستوى العالمى بكميات تتراوح سنويا بين ٦ و٧ ملايين طن، تمثل أكثر من ٦٠% من حجم الاستهلاك المحلى الذى يبلغ سنويا ١٢ مليون طن._

Answer 5

كلنا لا ننكر ما قاله(بحبك يا بلدى)

Answer 6

لا استطيع انكار انجازات مبارك في السرقة
فهو الانسان الوحيد الذي استطاع ان يسرق شعبا كاملا
حقوقا واحلاما وآمال
اظنك من من يغدق عليهم مبارك بالعطايا من لصوص الحزب الوطني او من هؤلا المرتشين وقد يكون احد ابائك

Answer 7

نعم أقدر أنكر :)
فى خلال فترة حكمة زاد  ,
إضطهاد الشرطة للمواطنيين
المحسوبية والكوسة
المخدرات والإدمان
العنوسة
والفقر والبطالة
الأراضى المستصلحة زى اللى أيدوها للأمير السعودى اللى بيزرعها برسيم علشان بهايمة ؟
وفى عهدة إهدار كبيييييييييييييير لموارد مصر
زى بيع الغاز لإسرائيل بحوالى دولار
وبيع الرمل المصرى لإسرائيل ب4 دولار الطن " من أفضل أنواع الرمال المحتوية على سيلكون "
فى عهدة زاد أمراض الشعب ,
سرطان فشل كلوى أمراض كبد إلخ وطبعاً البركة فيه وفى الحيوان يوسف والى
إيه تانى إيه تانى .. أقولك كفاية كده

Answer 8

انا تقريبا اتولدت من ساعة ما مسك الحكم مشوفتش غيره ونفسي اشوف قبل ما اموت ولكن بستغرب
كل يوم يقولوا رجل اعمال اخد عشارتاشر مليون جنيه قرض وهرب ولسه مصر زي ماهي مبقتش زي الصومال مش لاقيه تاكل ولا جوعنا دي مصر دي جامده اوي والله
ربنا يقدم اللي فيه الخير

Answer 9

من فضلك تضع إحصائيات من مصادر موثوق بها
و خلينا ساكتين أحسن

Answer 10

تقدر تنكر تدهور  كل حاجة فى مصر فى عهده
تعليم صحة مجلس الشعب انتخابات مزورة شرطة مستبدة ......... الخ
واعذرونى بس والله الجيش بيعمل جبنة ومربى وقاعات افراح