السلام عليكم ورحمة الله
دعنى ارد على الاخ الذى قال ان الكورسات الغير مجانيه تعتبر ابتزاز
وان منها 70% مجانى
اوكى هاتلنا ال70 فى الميه المجانى ده او قول حتى على اسم الكتب غير كده
الناشر تعب فى الكورس وعمل ليه حقوق ملكيه فكريه وغير كده اذا كان هذا الكورس مجانى فلن يتم تحقيق منه اى ارباح حتى لو بنفس المحتويات
الناس هتقولى يعنى لازم ندفع فلوس علشان نكسب ؟؟!!!
هرد واققول ان الفكره مش فى دفع الفلوس لكن تخيل ان الكورس مجانى وكل الناس اللى بتسعى على الربح من النت حملته تخيل السكه للوصول هتبقى مزدحمه قد ايه بالضبط زيه زى عالم المنتديات والربح منها اللى بدأ
فيها من سنة 2006 و 2007 زى ماى ايجى وفتكات وترايدنت هما دول اللى ناجحين وواصلين حتى الان لكن بعد ما اسعار النطاقات بقت فى متناول الجميع وكله بقى بيعمل منتدى لو عملت منتدى دلوقتى صعب جدا جدا جدا انك
تنجح وتوصل لجوجل فى الصفحات الاولى وانا عن نفسى عندى مدونه وصحيح الحاله الماديه متسمحش بأن انا اصرف عليها كتير لكن عندى طموح وبحاول ابذل مجهود عالى جدا علشان اوصل لحلمى
طالما الكورس بريميم تعرف ان العدد بتاعه محدود ومش كل الناس بتاخده وتشوف اللى اشتراه وتسأله مش تشوف اللى اشتره وتطلبه منه مجانا لان ده غش ولو انت ناشر الكورس مترضاهاش على نفسك
وفى النهايه اسف ع الاطاله والسلام عليكم
