بصراحة الراجل بطبعه طماع يعنى عايز يلاقى فى الست كل الصفات حتى لو كانت متناقضة
يعنى لو عاملتيه بحنية يدور على واحدة تدوخه
و لو اتعاملتى معاه بثقة و استقلالية يدور على واحدة محتجاله
لو اتحاورتى معاه بذكاء يدور على واحدة تقوله امين
و لو ماناقشتيهوش يقول عليكى مش بتفهمى غير فى الطبيخ
يعنى هو نفسه مش عارف هو عايز ايه
عشان كده خليكى على طبيعتك
ماتغيريش شخصيتك عشان تعجبيه
لكن فى نفس الوقت حاولى تكونى متجددة
يعنى كونى له اربعة زى ما بيقولوا
خليه يشوف فيكى كل النساء
و راعى ان لاى رجل حاجات اساسية لازم تلبيها
زى الاحترام و التقدير و العرفان و التشجيع و الثقة به و بقدراته
دى الحاجات اللى عمره ماهيكون سعيد و لا يحس برجولته من غيرها
و ماتنسيش كمان واجبك الاساسى كزوجة
اللى هو اعفاف الزوج
و انا اقدر اقولك بدون مبالغة انك لو اشبعتيه من الناحية دى
هيتغاضى عن اى حاجة تانية
و مش عايزين ننسى ان الزواج عبادة يعنى لازم نعامل ازواجنا بما يرضى الله
و نحتسب الاجر عند الله
لان الحياة الزوجية مش حرب
دى مودة و رحمة
